Para sumali sa kumpetisyon, kailangan mo munang piliin ang account na gagamitin mo mula sa slider sa kaliwa ng screen. Makikita mo sa slider na iyon ang lahat ng account mo at awtomatiko nitong ipapakita kung ang pinili mong account ay pasok ba o hindi sa pamantayan ng kumpetisyon na gusto mong salihan.

Makikita mo sa Mga Kumpetisyon ang lahat ng kasalukuyan at paparating na kumpetisyon para sa parehong real at demo account. Makikita mo doon ang tuntunin ng kumpetisyon, ang petsa ng pagsisimula at pagtatapos, pati na ang pinakamalaking premyo.

Kung tumatakbo na ang kumpetisyon, at nag-click ka sa deck ng kumpetisyon, ipapakita ang detalyadong impormasyon tulad ng ranggo at istatistika ng bawat kalahok sa kumpetisyon.

Oo! Pwede kang sabay-sabay na sumali sa magkakaibang kumpetisyon gamit ang iba't-ibang account, basta't pasok sa pamantayan ng kumpetisyon ang mga account na ito. Kaya lang, ang bawat indibidwal na account ay pwede lang sumali sa ISANG kumpetisyon sa anumang partikular na oras.

Kinakalkula ang performance gamit ang sumusunod na formula:

Performance = (Equity (kasalukuyan) − Equity (panguna) + W − D / (Equity (panguna) + D)

Equity (kasalukuyan) = Ang equity mo sa bawat punto ng pagsusuri, na kadalasang kada 10 minuto

Equity (panguna) = Ang equity mo sa puntong sumali ka sa kumpetisyon

D = Deposito na isinagawa pagkatapos mong sumali sa kumpetisyon

W = Withdrawal na isinagawa pagkatapos mong sumali sa kumpetisyon

Tinutukoy ng iyong performance ang ranggo mo kumpara sa iba pang mga kalahok.

WALANG positibo o negatibong epekto sa iyong performance ang anumang deposito o withdrawal na gagawin mo sa iyong trading account. Kaya lang, mahalagang alalahanin na pwede kang matanggal sa kumpetisyon kapag nag-withdraw ka. Mababasa mo sa ibaba ang iba pang detalye tungkol sa pagkakatanggal sa kumpetisyon.

Bagama't hindi ito panuntunan para sa lahat ng kumpetisyon, may iba't-ibang tier ang ilan sa mga ito, partikular na sa mga kumpetisyon na para lang sa mga real account. Isinasaad sa tiers ang iba't-ibang antas ng kailangang equity para makapasok sa iisang kumpetisyon. Halimbawa, ang kumpetisyon na XYZ ay may Tier 1, Tier 2, at Tier 3. Para makapasok sa Tier 1 kailangan mo ng equity na $1,000, habang kailangan naman ng $500 sa Tier 2, at $100 sa Tier 3. Kahit na iisa lang 'tong kumpetisyon, kailangan mo ng mas malaking equity para makapasok sa Tier 1. Kadalasang may mas malaking premyo ang Tier 1 kaysa sa Tier 2 at Tier 3.

Pwedeng sumali sa kumpetisyon ang mga may MT4 at MT5 account at maaari kang gumamit ng expert advisor kung gusto mo.

Oo, pwede. Kinakalkula ang performance batay sa netong pagbabago ng equity kaya hindi pinapansin ang kita at pagkalugi ng mga kasalukuyang naka-open na trade. Isaalang-alang sa performance ng kalahok ang pagbabago ng kita at pagkalugi sa mga in-open na position pagkatapos sumali sa kumpetisyon.

Kinakalkula ang ranggo batay sa performance ng lahat ng kalahok. Sa bawat oras na kinakalkula ito (kadalasang kada 10 minuto), sinusuri ang performance ng lahat ng kalahok at inaayos sa pababang pagkakasunod-sunod. Kapag mas maganda ang performance, mas maganda rin ang ranggo. Ipapakita pa rin ang mga kalahok na walang aktibidad habang tumatakbo ang kumpetisyon pero hindi sila makakatanggap ng premyo.

Sa mga pagkakataon kung saan may parehong ranggo ang mga kalahok, paghahatian nila ang papremyo para sa naturang ranggo.

Para makita ang resulta ng natapos na kumpetisyon, i-click ang "Natapos na" na button at hanapin ang kaugnay na kumpetisyon. Para sa mga kasalukuyang kumpetisyon, ipinapakita ang resulta sa dashboard kung saan nakalagay ang lahat ng istatistika.